2.272.

$R$ радиустай, $\varkappa$ дулаан дамжуулалтай нэгэн төрөл бөмбөрцгийн эзлэхүүн даяар жигд ялгарах дулааны чадлын эзлэхүүн нягт $w$ болно. Бөмбөрцгийн гадаргуугийн тогтворжсон температур $T_0$ бол бөмбөрцөг доторх температурын түгэлтийг ол.

2.271.

Хөндлөн огтлолын $R$ радиустай, $\varkappa$ дулаан дамжуулалтай нэгэн төрөл дамжуулагчаар тогтмол цахилгаан гүйдэл гүйхэд дамжуулагчийн нэгж эзлэхүүнд ялгарах дулааны чадал $w$ байв. Дамжуулагчийн гадаргуугийн тогтворжсон температур $T_0$ бол дамжуулагч доторх температурын түгэлтийг ол.

2.270.

$R_1$ ба $R_2$ радиустай, $T_1$ ба $T_2$ температуртай, нэг төвт хоёр бөмбөлгийн хувьд өмнөх бодлогыг бод.

2.269.

$R_1$ ба $R_2$ радиустай, $T_1$ ба $T_2$ температуртай, нэг ерөнхий тэнхлэгтэй хоёр цилиндрийн хоорондох зайг дулаан дамжуулагч нэгэн төрөл бодисоор дүүргэсэн бол бодисын температурын түгэлтийг ол.

2.268.

Бие биеэс $l= 5,0$ мм зайд хэвтээ орших хоёр том ялтасны хоорондох зайг $p= 1,0$ Па даралттай гелий дүүргэнэ. Нэг ялтсыг $t_1= 17°С$ температурт, нөгөөг $t_2= 37°С$ температурт барьж буй бол гелийн атомуудын чөлөөт явалтын дундаж урт ба дулааны урсгалын нягтыг ол.

2.267.

Хэвтээ байрлалтай хоёр том ялтсын хоорондын орчинг гелийгээр дүүргэжээ. Ялтас хоорондын зай $l= 50$ мм. Доод ялтсыг $T_1= 290$ К температурт, дээд ялтсыг $T_2= 330$ К температурт барьж буй бол дулааны урсгалын нягтыг ол. Хийн даралт хэвийн даралттай ойролцоо болно.

2.266.

Хоорондоо $l$ зайтай параллель орших хоёр том ялтсын $T_1$ ба $T_2$ температурыг тогтмол барьж буй бол эдгээрийн хоорондын зайг дүүргэсэн бодисын температурын түгэлтийг ол. Бодисын дулаан дамжуулал $\varkappa\propto\sqrt{T}$ болно.